Бүген күк әфлисун төсендә. Әйтерсең, җирдәге төнге утлар, кояш булырга теләп, күкләргә сеңгән. Йолдызлар да, ай да күренми. Төнге күк аларны йоткан. Бүлмә тулы бушлык. Хастаханәнең ялгыз бүлмәсендә берәү генә. Бу ялгыз зур тәрәзә аша аның күзләре күк белән серләшә. Күк йөзе аның бердәнбер сердәше, дусты хәзер.
Казан Татар дәүләт яшь тамашачы театрының егет-кызларны кавыштыру сихере бар бугай. Артист Илназ Хәбибуллин да хәләл җефетен биредә тапкан. Свердлау өлкәсендә туып үскән татар кызы Рузанна белән бергә укыганнар, хәзер бергә иҗат итәләр. Ул арада ут чәчеп торган чая кыз «мин инде аның хатыны» дип ире янына килеп елышты.
Гаделне гел шушы урманга тарта. Алай дисәң… аларның авылы урманның куенына ук кереп урнашкан бит! Урманның серле бер урынына, йөз еллык имәннәр үсә торган ешлыгына янәшә генә яши бу авыл. Нәкъ менә шул имәнлек үзенә тартып, чакырып, ымсындырып тора да инде авыл малайларын…
Галимә, язучы, шагыйрә Халисә Ширмән турында сүз чыкты исә, уйлар үз күчәреннән чыга да истәлекләр дулкынына алып кереп китә. Беренче курста безне ничек кабул итеп алуы, «Әллүки»нең безнең өчен беренче һәм безнең өчен актык утырышы, бәйрәмнәр, язмаларыбызны җыеп сүтү һәм Халисә апаның җылы карашы – барысы да йөрәккә язылган икән. Халисә апа белән иҗат турында да, дөнья хәлләре турында да сөйләшеп утырырга була. Рәхәт кеше.
Яшьләрнең телефон, телевизор экраннары каршында еш утыра диюләренә без инде күнеккән. Авыл балалары шәһәргә чыгып киткәч тә, заман артыннан куа, дип тә уйлыйлар. Ләкин бу һич кенә дә алай түгел!
«Идел» журналының декабрь санында Кариев исемендәге Казан Татар дәүләт яшь тамашачы театры артистлары белән бик кызыклы әңгәмәләр чыккан иде. Әңгәмәдәшчебезнең беренчесе Эльдар Гатауллин. Ул актер гына түгел, режиссер-куючы да әле. Эльдар Гатауллин биредә алтынчы сезонын эшли.
Беркөнне социаль челтәрдә юк-бар мәгълүматлар карап, ваакытны бушка уздырып утырганда, күзем бер салат рецептына төште: тавык ите һәм анас белән, диелгән. Бәйрәмнәрдә дус кызымның өстәлендә гел шундыйрак салат була, бик тәмле килеп чыга иде. Үземнең исә ясаганым юк. Монда да комментарийларда хуҗабикәләр “ашап туймаслык”, “телне йотарлык”, “мин дә гел ясыйм”, “өйдәгеләр прям үлеп ярата”, дип мактагач, ясап карыйсы итте.
Беркөнне журналыбызның редактор урынбасары: “Якын арада торт ашарга уйламыйсыңмы?” – дип кызыксынды. Журналыбызның редактор урынбасары Гөлүсә апа Закирова барлык урынбасарларның урынбасары ул! Сорауны да дөрес итеп куя белә. Торт ашарга уйламаган булсам да, мондый сорау бирелгәч, тиздән ашарга туры киләчәге аңлашылды.
«Болгар радиосы» ди-джее, ТНВ каналында «Кайнар хит» тапшыруын алып баручы Ләйсән Гарифуллина менә инде ике ай радио дулкыннарында ишетелми. Радио тыңлаучылар Ләйсәннең кая югалуы турында кызыксынып, аны юксынып, безгә күп төрле сораулар яудыра башлады. Күпләр Ләйсәннең өченче тапкыр әни булырга җыенуын белмидер дә әле. Бу хакта тыңлаучыларга ул үзе сөйләргә булды.
«Дөресен әйтимме? Мин әле һаман да үземне эзлим. Әкрен адымнар белән алга барам. Дизайнерлык эше дә шул адымнарның берсе генә дип уйлыйм. Гомерем буе шулай эзләнүдә булырмын кебек. Финиш сызыгы берәр күренерме икән, белмим…» Модельер, дизайнер-рәссам, мөселман киемнәре халыкара конкурсларында күп тапкырлар җиңү яулаган Наҗия Галимова сүзен шулай башлады.
